ಕವನ-24

ನೀನಿರದ ಬದುಕು???

ನಿನ್ನ ನೆನೆದು ನಾನೆಂದೂ ಕಣ್ಣೀರು ಇಡಲಾರೆ 

 ನಿನ್ನ ನೆನೆಯದ ನೆನಪನ್ನ ನೀ ನೀಡಬೇಕು

ನಿನ್ನ ಪ್ರತಿಬಿಂಬವ ಹುಡುಕುತ ನಾ ಎಲ್ಲೂ ಹೋಗಲಾರೆ

ನಿನ್ನ ಬಿಂಬವು ಕಾಣದ ಕನ್ನಡಿಯ ನೀ ನೀಡಬೇಕು

ನಿನ್ನ ನಗುವ ಮೊಗವನ್ನ  ಮತ್ತೊಮ್ಮೆ ನಾ ನೋಡಲಾರೆ 

ನಿನ್ನ ನಗು ಮೊಗವ ಕಾಣದ ಕಣ್ಣ ನೀ ನೀಡಬೇಕು

ನಿನ್ನ ಧ್ವನಿಯ ಮತ್ತೊಮ್ಮೆ ನಾ ಕೇಳಲಾರೆ

ನಿನ್ನ ಮಧುರ ಮಾತ ಕೇಳದ ಕಿವಿಯ ನೀ ನೀಡಬೇಕು

ನಿನ್ನ ಮತ್ತೊಮ್ಮೆ ನನ್ನ ಸ್ವಪ್ನದಲ್ಲಿ ನೋಡಲಾರೆ

ನಿನ್ನ ಸ್ವಪ್ನವೇ ಬಾರದ ನಿದ್ದೆಯ ನೀ ನೀಡಬೇಕು

ನಿನಗಾಗಿ ನನ್ನ ಹೃದಯವು ಮತೊಮ್ಮೆ ಮಿಡಿಯಲಾರದು 

ನೀನಗಾಗಿ ಮಿಡಿಯದ ಹೃದಯವ ನೀ ತೋರಬೇಕು

ನಿನ್ನ ಬದುಕಲ್ಲಿ ಮತ್ತೆ ನಾನೆಂದೂ ಬರಲಾರೆ

ನೀನಿಲ್ಲದ ಜಗತ್ತನ ನೀನೇ ಪರಿಚಯಿಸಬೇಕು

                                                  -M@nu