ಕವನ-24

ನೀನಿರದ ಬದುಕು???

ನಿನ್ನ ನೆನೆದು ನಾನೆಂದೂ ಕಣ್ಣೀರು ಇಡಲಾರೆ 

 ನಿನ್ನ ನೆನೆಯದ ನೆನಪನ್ನ ನೀ ನೀಡಬೇಕು

ನಿನ್ನ ಪ್ರತಿಬಿಂಬವ ಹುಡುಕುತ ನಾ ಎಲ್ಲೂ ಹೋಗಲಾರೆ

ನಿನ್ನ ಬಿಂಬವು ಕಾಣದ ಕನ್ನಡಿಯ ನೀ ನೀಡಬೇಕು

ನಿನ್ನ ನಗುವ ಮೊಗವನ್ನ  ಮತ್ತೊಮ್ಮೆ ನಾ ನೋಡಲಾರೆ 

ನಿನ್ನ ನಗು ಮೊಗವ ಕಾಣದ ಕಣ್ಣ ನೀ ನೀಡಬೇಕು

ನಿನ್ನ ಧ್ವನಿಯ ಮತ್ತೊಮ್ಮೆ ನಾ ಕೇಳಲಾರೆ

ನಿನ್ನ ಮಧುರ ಮಾತ ಕೇಳದ ಕಿವಿಯ ನೀ ನೀಡಬೇಕು

ನಿನ್ನ ಮತ್ತೊಮ್ಮೆ ನನ್ನ ಸ್ವಪ್ನದಲ್ಲಿ ನೋಡಲಾರೆ

ನಿನ್ನ ಸ್ವಪ್ನವೇ ಬಾರದ ನಿದ್ದೆಯ ನೀ ನೀಡಬೇಕು

ನಿನಗಾಗಿ ನನ್ನ ಹೃದಯವು ಮತೊಮ್ಮೆ ಮಿಡಿಯಲಾರದು 

ನೀನಗಾಗಿ ಮಿಡಿಯದ ಹೃದಯವ ನೀ ತೋರಬೇಕು

ನಿನ್ನ ಬದುಕಲ್ಲಿ ಮತ್ತೆ ನಾನೆಂದೂ ಬರಲಾರೆ

ನೀನಿಲ್ಲದ ಜಗತ್ತನ ನೀನೇ ಪರಿಚಯಿಸಬೇಕು

                                                  -M@nu

ಕವನ-23

ನೆನಪುಗಳ ಹಾವಳಿ..!!

ಕಣ್ಣಹನಿಯೊಂದು ಕೆನ್ನೆ ಮೇಲೆ ನಿಂತಿದೆ 

ಕನಸ್ಸುಗಳು ಮರೀಚಿಕೆಯಾಗಿ ಉಳಿದಿವೆ

ನೆನಪುಗಳ ಹಾವಳಿಯೂ ಹೆಚ್ಚಾಗಿದೆ

ನೋವಿನಲ್ಲಿ ಹೃದಯವು ಒದ್ದಾಡಿದೆ

ಮೌನವೂ ಮಗುವಾಗಿ ಮಲಗಿದೆ

ನಿನ್ನ ನಗುವು ನೋವಿಲ್ಲದೆ ನಲಿದಾಡಿದೆ

ಕನಸ್ಸಲ್ಲೂ ಕಾಡುತ್ತಿದೆ ನಿನ್ನಯ ಮೆಲ್ಲ ದನಿ

ಕಣ್ಣಿಂದ ಹೊರಬರಲು ಯತ್ನಿಸಿದೆ ಕಂಬನಿ

ಮರೆಯಲು ಯತ್ನಿಸಿದ ನೋವು

ಕಂಡಂತೆ ತೋರುತ್ತಿದೆ ನನ್ನಯ ಸಾವು 

ನೀನಗಾಗಿ ,ನಿನ್ನ ನಗುವಿಗಾಗಿ ಮರೆಯಲು

ಮನಮಾಡುವೆ ನನ್ನಯ ಸವಿ ಕನಸನ್ನ

                                                   

                                             -M@nu

              

                                                           

ಕವನ-22

ನೆನಪಿನ ಹಾದಿಯಲಿ..!!

ಕಣ್ತುಂಬಿಕೊಂಡಿದೆ ನೀರು ಕಂಬನಿಯಾಗಿ

ನೋವಿನಿಂದಲ್ಲ ಗೆಳತಿ; ನಿನ್ನ ನೆನಪಿಂದ

ಸಾಗರದ ದಂಡೆಯಲ್ಲಿ ಕಾದು ಕುಳಿತಿರುವೆ ನಿನಗಾಗಿ

ಅಲೆಗಳಂತೆ ಬಂದು ತಲುಪುವೆಯ ನೀ ನನಗಾಗಿ

ಕಾಲವು ಉರುಳುತ್ತಿದೆ ಗೆಳತಿ ನಿನ್ನ ನೆನಪಲ್ಲಿ

ಜೀವವು ಕರಗಿ ಕೊರಗುವ ಮುನ್ನ ಬರುವೆಯಾ

ಆಕಾಂಷೆಯ ಬುತ್ತಿಯ ಹಿಡಿದು ಕಾದಿರುವೆ

ಒಮ್ಮೆ ಬಂದು ತುಂಬಿಸುವೆಯ ಪ್ರೀತಿಯ ನುಡಿಯಿಂದ 

ನಾಳೆ ಎಂಬುದು ಮರೀಚಿಕೆಯಾಗಿ ಉಳಿದಿಲ್ಲ

ಈ ಜೀವಕ್ಕೆ ದೇವರು ನಾಳೆಯ ಬರವಸೆಯು ಕೊಟ್ಟಿಲ್ಲ

ನಿನ್ನೊಂದಿಗೆ ಕಳೆದ ಮಧುರ ಕ್ಷಣಗಳ ನೆನೆಯುತ್ತಾ

ನೆನಪುಗಳ ನೆಮ್ಮದಿಯಲ್ಲಿ ಕವನಗಳ ಬರೆಯುತ್ತಾ

ನಿನ್ನಿಲ್ಲದ ಬದುಕಿನ ದಾರಿ ಸಾಗಿದೆ ಕತ್ತಲಲ್ಲಿ

ನಿನ್ನಯ ನೆನೆಪುಗಳು ಒಮ್ಮೊಮ್ಮೆ ಮೋಡುವುದು ಬೆಳಕಾಗಿ

ಅಳಿಸಲಾಗದ ಹೆಜ್ಜೆಯ ಗುರುತು ನಿನ್ನಯ ನೆನಪು

ಬಿಡಿಸಲಾಗದ ಒಗಟು ನನ್ನಯ ಈ ಬದುಕು

                                               -ನಿನ್ನವ ಮನು

ತುಸು ದೂರ ಸುಮ್ಮನೆ..!!

ತುಸು ದೂರ ಸುಮ್ಮನೆ..!!

ಕೆಂದಾವರೆಯ ಸೂರ್ಯನು ತನ್ನ ದಿನ ನಿತ್ಯದ ಕೇಲಸವ  ಮುಗಿಸಿ ಪ್ರಪಂಚಕ್ಕೆ ತನ್ನ ವಂದನೆಯ ಹೇಳುತ್ತಿದ್ದ ಸಮಯ,
ಮರೆಯಾಗುತ್ತಿರುವ ನೇಸರ....
ಆಗಸದ ಹೃದಯದಲ್ಲಿ...
ಬಿಡಿಸುವ ... ಬಣ್ಣದ ಚಿತ್ತಾರ... ಮನಮೋಹಕ....!

ಇತ್ತ ಚಂದ್ರನು ಭೂಮಿಗೆ ತನ್ನ ಚಳುವಿನ ಕಿರಣಗಳನ್ನು ಮುಟ್ಟಿಸಲು ತುದಿಗಾಲಲ್ಲಿ ಹಾತೋರಿಯುತಿರುವನು
ಬೆಳ್ಳಿ ಮೊಡವೆ... ಎಲ್ಲಿ ಓಡುವೆ...?.
ಸಂಜೆಯ ನೇಸರನ ನೋಡಲು....
ಸಂಭ್ರಮವೇ...?
ಇರುಳಿನ ಚಂದ್ರಮನ ಆಗಮನದ... ನಾಚಿಕೆಯೇ...?

ಜನನಿಬಿಡ ರಸ್ತೆ ,ಅಪುರೂಪಕ್ಕೆ ಆಗೋ ಇಗೋ ಎಂಬಂತೆ ಒಂದು ವಾಹನ ,ಕತ್ತಲು ಪ್ರಪಂಚವ ತನ್ನ ಮಡಿಲಲ್ಲಿ ಜೋಪಾನ  ಮಾಡುವಂತಿತ್ತು ,ಚಂದ್ರನು ಮುಗುಳು ನಗುತ್ತಾ ಬಾನಿನಲ್ಲಿ ಆಟವಾಡುತ್ತಿರುವನು ,ನಿಶಬ್ದದದ ಮನೆ ಮಾಡಿತ್ತು ,ತಂಪಾದ ತಂಗಾಳಿಯ ನಡುವಲ್ಲಿ  ಮೆಲ್ಲನೆಯ ದನಿಯಲ್ಲಿ ಹಾಡೊಂದನ ಕೇಳುತ ಅವಳ ಮೊಗವನ್ನೇ ನೋಡುತ ,ತುಸುವೇಗದಲ್ಲಿ ನನ್ನ ಗೆಳತಿಯೊಂದಿಗೆ ಹೊರಟ long drive ,ಆ ಮುದ್ದಾದ ಮೊಗವ ಕಣ್ತುಂಬಿ ನೋಡುತ್ತಿದದ್ದ ಸಮಯ ,ಮನದಲ್ಲಿ ನೂರಾರು ಮಾತು ,ಹೇಳಲಾಗದೆ ಅವಳನ್ನೇ ನೋಡುವುದರಲ್ಲೇ ತಲ್ಲೀನ,  ಅವಳು ನನೆದೆಗೆ ಹೊರಗಿದಳು,ನನೆದೆಗೆ ಮೂದವ ನೀಡಿದಂತಿತ್ತು ಅವಳ ಆ ಸ್ಪರ್ಶ ,ಮೊದಲ ಬಾರಿ ನನಕೇ ನನೆದೆಗೆ ಹೊರಗಿ ಮಲಗಿದ್ದೆ. ತುಸು ಹೊತ್ತು ಸುಮ್ಮನೆ ಏನು ಮಾತಾಡದೆಯೇ ಹೋಗುತ್ತಿದೆವು . ಅವಳ ದ್ವನಿ  ಕೇಳಿಸಿತು .

"ಮನು" !! ಅಂದಳು .
ನಾನು ಹಾ !! ಅಂದೆ ,
ನನ್ನ ಎಷ್ಟು ಇಷ್ಟ ಪಡುತ್ತಿಯ ಅಂದಳು .
ಹೇಳಲಾಗೋದಷ್ಟು ,ನನ್ನ ಕೊನೆಯ ಗಳಿಗೆಯ ವರೆಗೂವರೆಗೂ ಇಷ್ಟ ಪಡ್ತಾನೆ  ಇರ್ತೀನಿ ಅಂದೆ.

ನಾನು ನಿನಗೆ ಯಾಕೆ ಇಷ್ಟ ಅದೇ ಅಂದಳು .
ತುಸು ಹೊತ್ತು ಸುಮ್ಮನೆ ಮೌನಿಯಾಗಿ ,ಹೇಳಿದೆ ನಿನ್ನೊಡನೆ ಆಡಿದ ಆ ಮಾತು ಹಾಗೂ ನನ್ನ ನಂಬಿಸಲು ಹೇಳಿದ ಕೆಣಕುವ ಆ ಸುಳ್ಳು ನನಗೆ ಬಹಳ ಇಷ್ಟ ಅಂದೆ .

ಮತ್ತೆ ಮೌನ ,sound  system  ಅಲ್ಲಿ ಇಂಪಾದ ಹಾಡನ್ನ ಕೇಳುತ ಮುಂದೆ ಸಾಗುತ್ತಿದೆವು  . ಕತ್ತಲಲ್ಲಿ ಪಳ ಪಳ ಹೊಳೆಯುತ್ತಾ ಮೀನಿನಂತೆ ಅತ್ತಿತ್ತ ಓಡಾಡುತ್ತಾ ನನ್ನ ಕೆಣಕುತ್ತಿದವು .ಮುದ್ದಾದ ಕೆನ್ನೆ , ಚೆಂದದ ತುಟಿ , ಸಣ್ಣ ಸೋನೆಯಂತೆ ಸೂಸುತ್ತಿದ ಮುಗುಳು ನಗು ಅಬ್ಬಾ!! ನನೆದೆಯಲ್ಲಿ ಸಂಚಲವ ಹುಟ್ಟಿಸಿತ್ತು.
ತಂಗಾಳಿಯ ತಂಪಲ್ಲಿ ,ನನಗೆ ಜೋರಾದ ಟ್ರಿಣ್  ಟ್ರಿಣ್ ಎನ್ನುವ ಶಬ್ದ .ಕಣ್ಣು ಬಿಟ್ಟು ನೋಡುತ್ತೇನೆ ,ನಾ ಕಂಡದೆಲ್ಲ ಸುಂದರ  ಸ್ವಪ್ನ ,yea its a dream ride with my girl . 

   

ನಿನ್ನಾಣೆ ನಿನ್ನಾಣೆ ನೀ ಕನಸಲ್ಲಿ ಕಂಡೆ

ನನ್ನಾಣೆ ನನ್ನಾಣೆ ಸುಳ್ಳಲ್ಲ ಓ ಜಾಣೆ

ತುಂತುರು ಹನಿಯ ಮಳೆಯಲ್ಲಿ

ಹನಿ ಹನಿಗಳ ಸೊಗಸಲ್ಲಿ ,

ಮಳೆಬಿಲ್ಲಿನ ರಂಗಲ್ಲಿ 

ನೀ ಹೃದಯಕೆ ಬರುವೆಯಾ.

ಒಮ್ಮೆಲೆ ನನಸಲ್ಲಿ ಕಂಡು ಬಿಡೆ 

ಅತ್ತಲು ಇತ್ತಲು ಲೋಕವನ್ನೇ ಮರೆಸುಬಿಡೆ 

ಒಲವ ಹೂ ಮಳೆಯಲ್ಲಿ 

ಪ್ರೀತಿ ಹಸಿರು ಇಳೆಯಲ್ಲಿ 

ಕರಗಿ ಹೋಯ್ತು ಮನಸಲ್ಲಿ

ನೀ ಹೃದಯಕೆ ಬರುವೆಯಾ.

                                          - manu

ಸುರಿಯುವ ಸೋನೆಯಲ್ಲಿ ..!!

ಜಡಿಯ ಸೋನೆಯಲ್ಲಿ ..!!

ಬೆಳ್ಳಗೆ ಸೂರ್ಯನು ತನ್ನ ಮೊಗವ ತೋರಲು ನಾಚಿ ನೀರಾಗಿ ಮೋಡಗಳ ಮಧ್ಯೆ ಅವಿತು ಕುಳಿತ್ತಿದಂತ ಸಮಯ ,ಜಿನುಗುತ್ತಿದ್ದ ಮಂಜಿನ ಪನ್ನೀರಿನ ನೇರಳೆ ನೋಡಲು ಅಸ್ಪಷ್ಟ ,ಪರಿ ಶುದ್ದ ವಾತಾವರಣ .ತಂಗಾಳಿ ಮುದ ನೀಡುತ್ತಿತ್ತು. ದೂರದ ಗುಡುಗು,ಮಿಂಚಿನಾಟ ನಯನಗಳಿಗೆ ಸ್ವರ್ಗವನ್ನೇ ಸೃಷ್ಟಿಸಿತ್ತು .ಕಾಲೇಜ್ ಕ್ಯಾಂಪಸ್ ಅಲ್ಲಿ ಆ ಮುಸುಕು ಮುಂಜಾನೆಯಲ್ಲಿ ದಿನಕರನ ಹೊಂಬಿಸಿಲಲ್ಲಿ ಕಣ್ಣಿಗೆ ಹೊಳೆಯುವಂತೆ ಉಡುಗೆ ತೊಟ್ಟು ಬಂದವಳೇ ನನ್ನಾಕೆ ,ತುಂತೂರು ಹನಿಗಳಿಗೆ ಸಣ್ಣನೆ ಛತ್ರಿಯ ಹಿಡಿದು ಅಲ್ಲಿಂದ ಇಲ್ಲಿಗೆ ಜಿಂಕೆಯಂತೆ ಓಡಾಡುತ್ತಿದ್ದ ಅವಳನ್ನ ಕಂಡು ನನ್ನ ಮನಕಲುಕಿತು . ನನ್ನೆದೆಯ ಕೋಣೆಯೊಳಗೆ ನೆಲೆಯೂರಿದಳು ,ಮೊನಾಲಿಸಾಲಾನ್ನು ಮೀರಿಸುವ ಆ ನಗುವಿಗೆ ನಾ ಸೋಲದಿರಲಿಲ್ಲ,ನಾನಾಗ ಡಾಕ್ಟರ್ ಬಳಿ ಹೋಗಲಾರದ ರೋಗಿ,ಪ್ರೇಮ ರೋಗಿ.
ನಾನವಳ ಸೌಂದರ್ಯದ ಆರಾಧಕನಾದೆ ಕೂತರು,ನಿಂತರು,ಅವಳದೇ ಪರಿಪಾಠ ,ಮನಸೆಲ್ಲಾ ಅವಳೇ ತುಂಬಿರುವಾಗ ಕಣ್ಮುಚ್ಚಿದರು ಅವಳದೇ ಬಿಂಬ .ಕನಸಲ್ಲೆಲ್ಲ ಅವಳದೇ ರಾಜ್ಯಭಾರ .

ದಿನವೂ ನೋಡುತ್ತಿದ ಅವಳನ್ನು ಅಂದು ಎಷ್ಟು ಬಾರಿ ನೋಡಿದರು ಮನಸ್ಸಿಗೆ ತೃಪ್ತಿ ಆಗುತ್ತಿಲ್ಲ. ಅವಳ ಕಣ್ಣ ನೋಡಿದಾಗಲಂತೂ ಮೈಯೆಲ್ಲ ರೋಮಾಂಚನ ,ಮಿಂಚಿನ ಸಂಚಾರ ,ಹೇಳಲಾಗದ ಅನುಭವ ಅದು.
 ಅಂದು ಅವಳ ಮೇಲೆ ಎಲ್ಲಿಲದ ಒಲವು ,ಅವಳನ್ನ ಮಾತಾಡಿಸಬೇಕೆಂಬ ಹಂಬಲ ,ತುಸು ಸಮಯ ಅವಳೊಂದಿಗೆ  ಕಳೆಯ ಬೇಕೆಂಬ ಮನಸ್ಸು .ಆದರೆ ಯಾಕೋ ಗೊತ್ತಿಲ್ಲ ಅವಳ ಕಂಡೊಡನೆ ಮೂಕನಾಗುವೆ ,ಮನಸ್ಸಿನ ಭಾವನೆಯ ಹೊರಹಾಕಲಗದೆ ನನ್ನ ಹೃದಯದಲ್ಲೇ ಹಿಡಿದಿಟ್ಟಿಕೊಂಡು ಒದ್ದಾಡುವಂತಾಗಿದೆ .ಗೆಳತಿ ನೀ ಯಾಕೆ ಕಾಡುತಿರುವೆ ನನ್ನ ಇಷ್ಟು ,ನಿನ್ನ ಕಾಣದ ಕ್ಷಣ ನಾ ಈ ಲೋಕವೇ ತೊರೆದಂತೆ ,ನೀ ಇಲ್ಲದ ಈ ಬದುಕು ಶೂನ್ಯ .ಒಮ್ಮೆಯಾದರೂ ಬಂದು ಮಾತನಾಡಿಸುವೆಯ ??

ಬಯಕೆಯ ಬನದಲ್ಲಿ ಬದುಕಿನ ಬಯಲಲ್ಲಿ ,

ಕಣ್ಣಿನ ಕರೆಯಲ್ಲಿ ಕನಸಿನ ಮರೆಯಲ್ಲಿ,

ಬೆಳಕು ಚೆಲ್ಲಿದ್ದು ನಿನ್ನ ಮಾತು,

ಜೀವಕೆ ಬೇಕಿದೆ ನಿನ್ನ ಮಾತು ,

ಬಲಿಯಾದ ಆ ಮನಸು ನಿನ್ನದೇ ಕಣೇ ,

ನೀ ನನ್ನ ಬಳಿಗೆ ದೀಪ ಕಣೇ ,

ಕೊರಗಿ ಕರಗಿ ಕೊನೆಯಾಗು ಮುನ್ನ 

ಕಳುಹಿಸುವೆಯ ನಿನ್ನ ಮಾತಿನ ಸಂದೇಶವನ್ನ

                                                   -  ನಿನ್ನವ ಮನು

ಕವನ-21

ಕನಸ್ಸೆಂಬ ಕನ್ನಡಿಯ ಹಿಡಿದು

ಕನವರಿಕೆಯ ಮೆಟ್ಟಿಲ ಹೇರಿ

ದೂರದ ದಾರಿಯಲ್ಲಿ ನಿನ್ನ

ಆಗಮನವ ಬಯಸುತ್ತ ನಿಂತೆ

ಮೌನಿಯಾಗಿ ಕಾದು ನಿಂತೇನು

ಕಣ್ಣ ರೆಪ್ಪೆಯ ಅಳುಕಿಸದೆ

ಕಾದಿರುವೆ ಗೆಳತಿ ನಿನಗಾಗಿ

ನಿನ್ನ ಅವಿಭಾಜ್ಯ ಅಂಗವಾಗಿ

ನೀ ಬಾರದ ಯಾತನೆ

ವೇದನೆಯಲ್ಲಿ ಮುಗಿಯದು ಬವಣೆ

ಬರುವೆಯ ಈ ಬರಡು ಭೂಮಿಗೆ 

ಮುಂಗಾರು ಮಳೆಯಾಗಿ

ಕತ್ತಲಿನಿಂದ ಆವರಿಸಿರುವ ನನ್ನ

ಮನಸ್ಸಿಗೆ  ಬೆಳಕ್ಕಾಗಿ

ನಿನ್ನ ಪ್ರೀತಿಯ ಕತ್ತಲಿನ ಕಾಡಿನಲ್ಲಿ

ಮೂಡುವುದೇ ನೀ ಬರುವ ದಾರಿ ಬೆಳಕಾಗಿ

ಕಾಡುವ ಕತ್ತಲಲ್ಲಿ ಗೆಳತಿ ನಿನ್ನ 

ಕಣ್ಣ ಹೊಳಪಿನ ಬೆಳಕ ಬಯಸುತ್ತಿರುವೆನು

ತಡಮಾಡದೆ ಬಂದು ನಿಲ್ಲುವೆಯ

ನಿನ್ನ ಕಣ್ಣ ಹೊಲಪ ಚೆಲ್ಲುವೆಯ 

ನನ್ನ ಕಣ್ಣ ಕಂಬನಿ ಜಾರುವ

ಮುನ್ನ ಬಂದು ಹೊರಸುವೆಯಾ ?

ನನ್ನ ಪ್ರಾಣ ಪಕ್ಷಿ ಹಾರುವ 

ಮುನ್ನ ಜೋಪಾನ ಮಾಡುವೆಯಾ ?

                            ನಿನ್ನವ ಮನು

ಕವನ-20

ನಾ ಅವಳಾದಾಗ..!!

 ಮುಗುಳು ನಗೆಯಲ್ಲಿ  ಮೆಲ್ಲಗೆ ಪರಿಚಯವಾದ ಇನಿಯನೆ

ಮನಸ್ಸು ಹತೋರಿಯುತಿದೆ  ನಿನ್ನೊಡನೆ ಸಂಭಾಷಿಸಲು

ಹೇಳಬೇಕೆಂದು ಬಂದ ತುಟಿಯ ಮೇಲಿನ ಮಾತು

ನಿನ್ನ ಕಂಡೊಡನೆ ಕ್ಷಣದಲ್ಲಿ  ಮಾಯ 

ಹಂಬಲಿಸಿದೆ ಮನ ನಿನ್ನ ಕಾಣಲು 

ಮಂಕಾಗುವುದು  ಮನ ನಿನ್ನ ನೋಡದೆಯೇ 

ನೀನೆಂಬುದು ಬರಿಯ ಆಕರ್ಷಣೆಯ

ನನ್ನಲ್ಲಿ ಅಡಗಿರುವ ಚಿಗುರಿನ ಪ್ರೀತಿಯ

 ಹೇಗೆ ವ್ಯಕ್ತಪಡಿಸಲಿ ನನ್ನ ಈ ಪ್ರೀತಿಯ

ಎದುರು ನೋಡುತ್ತಿರುವೆನು ಸುಸಮಯವ

ಕವನ-19

ನೀಡ ಬಯಸಿದೆ ಕನಸಿನ ಉಡುಗೊರೆಯ 

ಅಂದವೋ ಚೆಂದವೋ ತಿಳಿದಿಲ್ಲ

ನನ್ನಯ ನಲುಮೆಯ ಉಡುಗೊರೆಯ

ನೀಡುವೆನು ನನ್ನ ಮನಬಂದ ದಿನದೊಂದು 

ಮರೆತ್ತಿರಲಿಲ್ಲ ಅಂದು ನಿನ್ನ ಹುಟ್ಟುಹಬ್ಬವೆಂದು!

ಕುತೂಹಲದ ಉಡುಗೊರೆಯ ಕರುಹು ನೀಡದೆ ನೀಡುವೆನು .

ತಾಯಿಯ ಮಮತೆಯ ನೂಲಿನಿಂದ ಹೆಣೆದ,

ತಂದೆಯ ನಂಬಿಕೆಯ ಹೊಲಿಗೆ ಇಂದ ಹೊಲಿದ ,

ಸ್ನೇಹಿತರ ಸ್ನೇಹದಿಂದ ಅಲಂಕರಿಸಿದ,

ನನ್ನಯ ಪ್ರೀತಿಯ ಬಣ್ಣದ ಲೇಪನವನ್ನ ಹಚ್ಚಿದ,

ಅಂದಾ,ವೋ ಚೆಂದವೋ, ಸುಂದರವೂ !

 ಏನೆಂದು ತಿಳಿದಿಲ್ಲ ,ತಿಳಿಸುವೆಯ ಗೆಳತಿ 

ಮುಂದೊಂದು ದಿನ ರಾರಾಜಿಸುವೆಯ 

ನಾ ಕೊಟ್ಟ  ಉಡುಗೊರೆಯ   ತೊಟ್ಟು

ಕವನ-18

ನಿದ್ರೆಯ ನಡುವೆಯೂ ನಿನ್ನಯ ನೆನಪು..!!

 ನಡುರಾತ್ರಿಯ ನಿದ್ದೆಯ  ಬಿಟ್ಟು ನಿನ್ನ ನೆನೆದು ನೋಡುತ ಕುಳಿತೆ ಆಕಾಶವ

ನಕ್ಷತ್ರ ಮಧ್ಯದಲ್ಲಿ ಕಂಡೆನು ಮಿಂಚುತ ನಲಿದಾಡುತಿದ್ದ ನಿನ್ನ ವೈಭೋಗವ

ಚಂದಿರನ ಅಂಗಳದಲ್ಲಿ ಜೋಕಾಲಿ ಆಡುತಿದ್ದ  ಆ ನಿನ್ನ ಸಂತೋಷವ

ಮೋಡಗಳೆ ನಾಚಿ ನೀರಾಗುತ್ತಿದವು ಕಂಡು ಆ ನಿನ್ನ ನಗು ಮೊಗವ

ತಂಗಾಳಿ ಹಾಡುತ ಸಾರುತುದು  ಆ ನಿನ್ನ ಶಾಂತಾ ಸ್ವಭಾವವ

ಇಬ್ಬನಿಯು  ಇಣುಕುತಿಹುದು ಹೊಲುತ  ನಿನ್ನ  ಬಿಂಬವ

ಕತ್ತಲು ಮರೆಮಾಚುತಿಹುದು ನಿನ್ನ ಕಾಡಿಗೆ ಕಣ್ಣ ನೋಟವ

ಸೂರ್ಯನು ಹಪಹಪಿಸುತಿಹನನು ನೋಡಲು ನಿನ್ನ ಮೈ ಮಾಟವ 

                                                 -ನಿನ್ನವ ಮನು 

ಕವನ-17

ನೆನಪಿನ ನೆಪದಲ್ಲಿ ನನ್ನಾಕೆ...!!!

ನಿನ್ನನು ಮರೆಯಲು ಯತ್ನಿಸಿದ ನೆನಪು

ಮರೆಯಲಾಗದೆ ಮತ್ತಷ್ಟು ಮರುಕಳಿಸುವ ನೆನಪು

ನೀ ನನ್ನ ಕವಿತೆಯ ಸಾಲದ ನೆನಪು

ಕವಿತೆಯ ನೆಪದಲ್ಲಿ ನೆನಪಾದ ನೆನಪು

ನಿನ್ನ ಮೊದಲ ಬಾರಿ ನಾ ಕಂಡ ನೆನಪು

ಮರೆತರೂ ಮಾಸಿ ಹೋಗದ ನಿನ್ನಯ ನೆನಪು

ನಿನ್ನಯ ಮುಗುಳ್ನಗೆಯ ನೆನಪು

ಅತ್ತರು ಅಳಿಯದ ಆ ನೆನಪು

ನಿನ್ನಯ ಕಣ್ಣ ಕಾಡಿಗೆಯ ನೆನಪು

ಕಣ್ಣು ಕುರುಡಾದರೂ ಕಾಡುವ ನೆನಪು

ಕಲ್ಪನೆಗೂ ನಿಲುಕದ ನಿನ್ನಯ ನೆನಪು

ನನ್ನ ಉಸಿರಲಿ ಉಸಿರಾಗುವ ನೆನಪು

ಬಯಕೆಯ ಬುತ್ತಿಯನಿಟ್ಟು ಕಾದಂತ ನೆನಪು

ಬಯಕೆಗಳಿಲ್ಲದೆ ಭಿಕಾರಿಯದಂತ ನೆನಪು

ನೀ ನನ್ನ ತೊರೆದ ಗಳಿಗೆಯ ನೆನಪು

ಮನಕ್ಕೆ ನೀ ನನ್ನವಳಲ್ಲವೆಂದು ಸಂಭಾಳಿಸೀದ ನೆನಪು

ನರನರಗಳಲ್ಲಿಯೂ ನೀ ಇರುವೆಂದರಿತ ನೆನಪು

ನೀ ಬರಿಯ ನೆನಪೆಂದು ನೊಂದ ನೆನಪು

ಹೃದಯವು ಮಿಡಿತವ ಮರೆತಂತ ನೆನಪು

ಗುಳಿಗೆಯ ನುಂಗಿ ನೆನಪಿಸಿಕೊಂಡಂತ ನೆನಪು

ಕಾಲುಗಳು ನಡಿಗೆಯ ಮರೆತಂತ ನೆನಪು

ನಿನ್ನ ಇಂಬಾಲಿಸಿ ಮತ್ತೆ ನೆನೆದ ನೆನಪು

ಮಿನುಗುವ ಮಳಿಗೆಯಲ್ಲಿ ಮೇರೆವ ನಿನ್ನ ನೆನಪು

ಕರುಣೆಯ ಅಲೆಯಲ್ಲಿ ಕನವರಿಕೆಯ ನೆನಪು

ಓ ನನ್ನ ಪ್ರತಿನಿತ್ಯದ ನೆನಪೇ

ಮರೆಯಲಾಗದು ನಿನ್ನಯ ಹೊಳಪೆ 

ನೆನಪುಗಳ ನೆಪದಲ್ಲಿ ಕಾಡುತಿರುವೆಯಲ್ಲೇ 

ನೆನಪುಗಳು ಮಾಸುವ ಮುನ್ನ ಮುಂದೆ ಬರುವೆಯಾ

ಕತ್ತಲಲ್ಲಿ ನೂರಾರು ಕನಸುಗಳ ಹೊತ್ತು

ಮನದೊಳು ನಿನ್ನಯ ನೆನಪಿನ ಚಿತ್ರ ಚಿತ್ತಾರವ ಬಿಡಿಸಿ

ನೆನಪುಗಳ ನೆನೆದು ಕಣ್ಣೀರು ಸುರಿಸಿ

ಕಾಯುತ್ತಿರುವೆನು ಗೆಳತಿ ನಿನ್ನ ಬರುವಿಕೆಗಾಗಿ 

                                        -ನಿನ್ನವ ಮನು 

ಕವನ-16

ಸ್ನೇಹ..!!

ಕಂಬಿನಿಯ ಒರೆಸಿ ಮಮತೆಯ ತೋರುವ

ಜೊತೆಯಲ್ಲಿ ನೆಡೆವ ಸ್ನೇಹವಿದು

ರಕ್ತ ಸಂಬಂದಕ್ಕಿಂತ ಮಿಗಿಲಾದದ್ದು

ಕರುಳ ಬಳ್ಳಿಯ ಮೀರುಸುವಂತದ್ದು 

ಪ್ರೀತಿಯ ಒಡಲಿದು ನೆನಪಿನ ಕಡಲಿದು

ಅರಿವ ದಾರಿಯ ತೋರುವ ಗುರುವಿದು 

ಹುಟ್ಟು ಸಾವಿನ ನಂಟು

ಹೃದಯ ಮಿಡಿವವರೆಗೂ

ಈ ಸ್ನೇಹದ ನಂಟು

ಜನುಮ ಜನುಮಗಳವರೆಗೂ

ಜೀವಕ್ಕೆ ಬೇಕಿದೆ ನಿನ್ನಯ ಅಪ್ಪುಗೆ

ಜೀವನಕ್ಕೆ ಬೇಕಿದೆ ನಿನ್ನಯ ಸ್ನೇಹದ ಒಪ್ಪುಗೆ 

                             -ನಿನ್ನ ಗೆಳೆಯ ಮನು

ಕವನ-15

ಹಾಡ ಬಯಸಿದೆ ಹೃದಯದ ಹಾಡೊಂದನ

ಬರೆಯ ಬಯಸಿದೆ ಬಾಳ ಭಾವವೊಂದನ

ಬಿಡಿಸ ಬಯಸಿದೆ ಬದುಕಿನ ಚಿತ್ರವೊಂದನ

ನೆನೆಯ ಬಯಸಿದೆ ನಿನ್ನಯ ನೆನಪೊಂದನ

ನೀನೆಂಬುದು ನನ್ನ ಕವಿತೆಯಲ್ಲಿ ಸಾಮಾನ್ಯ

ನೀನೆಂಬುದು ನನ್ನ ಹೃದಯದಲ್ಲಿ ಅಸಾಮಾನ್ಯ

ನನ್ನ ಬಾಳಿನ ಬೆಳಕು ನೀನೇ

ನನ್ನ ಬದುಕಿನ ಬವಣೆಯೂ ನೀನೇ

ನನ್ನ ಜೀವದ ಉಸಿರು ನೀನೇ

ನನ್ನ ಜೀವನದ ಜ್ಯೋತಿಯು ನೀನೇ

ಮೂಡುವೆಯ ಬಯಸಿದ್ದಕ್ಕಿಂತ ಮಿಗಿಲಾಗಿ

ನನ್ನ ಬವಣೆಯ ಬಿಡುಸುವುದಕ್ಕಾಗಿ

ಕಂಬನಿಯ ಕಿರುನಗೆಯನ್ನಾಗಿಸುವುದಕ್ಕಾಗಿ 

ಕನವರಿಕೆಯನ್ನ ಕಸಿವಿಸಿಗೊಳಿಸುವುದಕ್ಕಾಗಿ

                                                   -ಮನು