ಮೌನ..!
ನಿನ್ನ ಆಸೆಯ
ಕಂಗಳಿಗೆ ಮುತ್ತಿಡುವ
ತವಕದಿ ಮರೆತೇ ನಾ
ನಿನ್ನ ಕೆಂದುಟಿಯನ್ನ
ಹುಸಿ ಕೋಪದಿ ಅವೂ
ಬೀರುತಿವೆ ನನ್ನೆಡೆಗೆ
ಕೊಂಕು ನುಡಿಯನ್ನ
ನಿನ್ನ ಒಲವಿನ ಸ್ವರ
ಮೂಡದೆ ನನ್ನಿ ಹೃದಯವು
ಮರೆತಂತಿದೆ ತಾಳ ಶ್ರತಿಯನ್ನ
ಶಪಿಸುತಿದೆ ಮನ
ನಲ್ಲೇ ನಿನ್ನ ಹೃದಯದ
ಅಶ್ರಯವನ್ನ ಅರಸಿ
ಲೋಕವ ಮರೆಯಲು ಇನ್ನ
ಗರಿಗೆದರಿವೆ ನೆನಪುಗಳು
ಎನ್ನ ಮನದ ಕತ್ತಲೆಯ
ತೊರೆದು ಹೊನ್ನ ನೇಸರನ
ಕಿರಣದೊಳಪಿನಲ್ಲಿ ನಲಿದು
ನಿನ್ನ ಮುಂಗುರುಳ ಸರಿಸಿ
ಚುಂಬಿಸಲೇ ಆಸೆಯಿಂದ
ನಲಿವ ನಿನ್ನ ಕಂಗಳನ್ನ
-ಮನು
No comments:
Post a Comment