ಕವನ-56

ನಿನ್ನ ಹೆಜ್ಜೆಗೆ ನಾನೇ ಗೆಜ್ಜೆ ...!!

ನಿನ್ನೊಳಗೆ ನೀನಿರದೆ ನನ್ನೊಳಗೆ ಸೇರು..
ನಿನ್ನೊಳಮನದ ನೋವು ನನ್ನೆದೆಗೆ ತೋರು
ಕಂಗಳಲ್ಲೇ  ಕವನ ಬರೆದೆ ನನ್ನಲ್ಲಿಗೆ
 ಅಂಗಳದಿ ಅರಳಿದೆ ಒಲವ ಮಲ್ಲಿಗೆ

ಕಣ್ಣಿನ ಕನಸಿಗೆ ಬಣ್ಣವ ತುಂಬಿ 

ರಂಗಿನ ಕನಸನು ಕಾಣೋಣ 

ಜಗವಿದು ಶೂನ್ಯ, ಜೀವನ ಶೂನ್ಯ,

ನಿನ್ನಯ ನೆನಪೆ ನನಗೆಂದೂ ಅನನ್ಯ

ನಿನ್ನ ನಗುವಿಂದ ಬರೆಸಿದೆ ನೂರಾರು ಕವಿತೆ

ನಿನ್ನ ಕಣ್ಣ ನೋಟಕೆ ಇದೆಯಾ ಹೋಲುವ ಅಳತೆ?

ಮೋಹದ ಪರದೆಯ ಮುಸುಕ ಸರಿಸಿ 

ಗೆಜ್ಜೆ ಕಟ್ಟಿ  ಕುಣಿಯುತ್ತಿವೆ ನೆನಪಿನ ಹೂರಾಶಿ 

ನೂರಾರು ಕವನಗಳು ,ನೂರಾರು ಆಸೆಗಳು
ನೂರಾರು ಬಯಕೆಗಳು,  ನೂರಾರು ಕನಸುಗಳು
ನನ್ನ  ಮನದ ಮೌನಕ್ಕೆ ಮಾತಾಗು
ನನ್ನ ಕನಸಿನ ಕವನಕ್ಕೆ  ಶೀರ್ಷಿಕೆಯಾಗು

                                                  -ಮನು