ಕವನ-42

ಕಲ್ಪನೆ..!!

ಅಲೆಗಳೇ ಇಲ್ಲದ ಕಡಲನು ಕಂಡೆ

ಸಂಗೀತ ಸ್ವರದಲು ಮೌನವ ಕಂಡೆ

ನಗುವ ಮೊಗದಲು ಆಳುವನು ಕಂಡೆ

ನಗುವ ಚೆಲ್ಲದ ಬೆಳದಿಂಗಳ ಕಂಡೆ

ಚಂದಿರನಿಲ್ಲದ ಹುಣ್ಣಿಮೆಯ ಕಂಡೆ

ಬೀಸೋ ಗಾಳಿಯಲು ನಡುಕವ ಕಂಡೆ

ಕತ್ತಲೆ ಇಲ್ಲದ ಇರುಳನು ಕಂಡೆ

ಹಸಿರೇ ಇಲ್ಲದ ಧರಣಿಯ ಕಂಡೆ

ಬಣ್ಣಗಳೇ ಇಲ್ಲದ ಕಾಮನಬಿಲ್ಲನು ಕಂಡೆ

ಭಾವವೇ ಇಲ್ಲದ ಮನವ ಕಂಡೆ

ಕಂಬನಿಗೆ ಮಿಡಿಯದ ಹೃದಯವ ಕಂಡೆ

ತಾಯಿಯ ಮಮತೆಯಲು ಭೇದವ ಕಂಡೆ

ಮೋಸದ ನೂರು ಮುಖವಾಡ ಕಂಡೆ

ಸ್ನೇಹದ ಹೆಸರಲಿ ಸುಳ್ಳನು ಕಂಡೆ

ನೀನೇ ಇಲ್ಲದ  ನನ್ನನ್ನು ನಾ ಕಂಡೆ

          -ಮನು