ಕವನ-50

   ಒಂದು  ಸಂಜೆ..!

ಕಳೆಯ ಬಯಸಿದೆ ಮನಸ್ಸು ನಿನ್ನೊಡನೆ

ಒಂದು ಭವ್ಯ ಸಂಜೆಯ

ರವಿಯು ಬೆಳಕ ಸೆರೆಯ ತೊರೆದು 

ಇರುಳನು ಸನಿಹಕೆ ಕರೆವ

ಆ ದಿವ್ಯ ಸಂಜೆಯ

 ನೀಲಿ ಭಾನು ಮುಸುಕನು ತೆರೆದು ಕೆಂಪು ರಂಗೇರಿ

ಹಕ್ಕಿಗಳ ಗುಂಪು ಮರಳಿ ಗೂಡ ಸೇರುವ

ಆ ಸದ್ದಿಲ್ಲದ ಸಾಗುವ ನವ್ಯ ಸಂಜೆಯ

 ನನ್ನೆದೆಯ ಮಿಡಿತಗಳಿಗೆ ನೀ ಬಡಿತವಾಗಿ

ನನ್ನೆದೆಯ ನೋವಿಗೆ ಬೆಚ್ಚನೆಯ ಮುತ್ತ ನೀಡುವ

ಆ ಮುತ್ತಿನ ಸಂಜೆಯ 

 ನನ್ನಯ ಮೌನಕ್ಕೆ  ನೀ ಹಾಡಾಗಿ, ಕನಸಿನ 

ಭಾವಕ್ಕೆ ರೂಪ ಕೊಟ್ಟು ,ಮನಸಿನ ಕದವ ತೆರೆವ

ಆ ಮೌನವಾದ ಸಂಜೆಯ

ಕಳೆಯ ಬಯಸಿದೆ ಮನಸ್ಸು ನಿನ್ನೊಡನೆ

ಒಂದು ಪ್ರೀತಿಯ ಸಂಜೆಯ

        -ಮನು