ಉಸಿರಾಗಲೇ ..!!
ಕವಿ ಬರೆಯದ ಕವಿತೆಯು ನೀನು
ಆ ಕವಿತೆಯ ಪದಗಲಾಗಲೇನು
ಉತ್ತರವೇ ಸಿಗದಂತಹ ಪ್ರೆಶ್ನೆಯು ನೀನು
ಆ ಪ್ರಶ್ನೆಗೆ ಉತ್ತರವಾಗಿ ಉಳಿಯಲೇ ನಾನು
ಪರಿಮಳ ಬೀರುವ ಕುಸುಮವು ನೀನು
ಜೇನನು ಸವಿಯುವ ದುಂಬಿಯಾಗಲೇನು
ಬಾನ ಬೆಳದಿಂಗಳ ಚಂದ್ರನು ನೀನು
ಪಳ ಪಳ ಹೊಳೆಯುವ ಚುಕ್ಕಿಯಾಗಲೇನು
ಒಂಟಿ ದೋಣಿಯ ಪಯಣಿಗಳು ನೀನು
ದಡದಲ್ಲಿ ನಿಂತು ಕೈ ಚಾಚಲೇನು
ಶಿಲ್ಪಿ ಕೆತ್ತದ ಶಿಲೆಯು ನೀನು
ಆ ಶಿಲೆಗಳ ಕಲ್ಲಾಗಲೇನು
ಕಲ್ಪನೆಗೂ ನಿಲುಕದ ಕನಸ್ಸು ನೀನು
ಆ ಕನಸ್ಸಿನ ಕಲ್ಪನೆಯಾಗಲೇನು
ನನ್ನ ಬಾಳ ಬೆಳಕಿನ ಹಸಿರು ನೀನು
ಆ ಹಸಿರಿಗೆ ಉಸಿರಾಗಲೇ ನಾನು
-ಮನು
No comments:
Post a Comment