ಕವನ-30

ಪ್ರೀತಿಯ ಕಡಲಲ್ಲಿ..!!

ಚಂದ್ರನಂತೆ ನೀಡಿದೆ ನೀ ಬೆಳದಿಂಗಳಂಥ ಪ್ರೀತಿ  

ಬೆಳದಿಂಗಳ ನೆರಳಲ್ಲಿ ನೀನ್ನ ನಾ ಮರೆವ ಭೀತಿ 

ನೀನ್ನ  ಮರೆವ ಮನ ಮಾಡುವ ಮುನ್ನವೇ

ನೀ ಬೆಳದಿಂಗಳಲ್ಲಿ ನೆನಪುಗಳ ಹಣತೆಯ ಹೊತ್ತು ಬರುವೆ

ಕನಸ್ಸಿನ ಕನ್ನಡಿಯ ಅಂಗಡಿಯ ತೆರೆದವಳು ನೀನು

ಮನಸ್ಸಿನ ಕನ್ನಡಿಯ ನುಚ್ಚುನೂರು ಮಾಡಿದವನು ನಾನು

ಈ ನಮ್ಮ ಸ್ನೇಹಕ್ಕೆ ,ಪ್ರೇಮದ ಮುನ್ನುಡಿಯ ಅಕ್ಷರವ ತಿದ್ದಿದವನು ನಾನು

ತಿರಸ್ಕಾರದ ತಿರುವುಗಳ ತಿದ್ದಿ ಮುನ್ನುಡಿಯ ಕುರುಹುಗಳ ಅಳಿಸಿದವಳು ನೀನು

ನಾ ಕಂಡ ಕನಸ್ಸುಗಳು ಕನವರಿಕೆಯಲ್ಲೇ ಮಾಯಾ

ಬೆಳದಿಂಗಳು ಮಾಯವಾಗಿ ಮೂಡಿದೆ ಹೃದಯದಲ್ಲಿ ಗಾಯ

ನಿನ್ನ ನನ್ನ ಪ್ರೀತಿಗೆ,ಸಾವೆ ಇಲ್ಲದ ನೆನಪುಗಳಿಗೆ ಕೊನೆ ಎಲ್ಲಿ?

ಪ್ರೀತಿ ಕಾಣೆಯಾದರು ,ನೆನಪುಗಳ ಹಾವಳಿಗೆ ಮಿತಿ ಎಲ್ಲಿ?

                                                                      

                                               -ಮನು