ಮುದ್ದು ಪೆದ್ದು..!!

ಮುದ್ದು ಪೆದ್ದು..!!

ಪದೇ ಪದೇ ಗಾಳಿಗೆ ಕೆದರಿದ ನಿನ್ನ ಮುಂಗುರುಳ ಸರಿಸಿ

ಮೆಲ್ಲಗೆ ಕಾಡಿಗೆಯನ್ನೂ ಬಳಿದು ಬಿಡುತ್ತೇನೆ ಆ ಕಣ್ಣ

ರೆಪ್ಪೆಗಳಿಗೆ  ಅಲಂಕಾರವಾಗಿಬಿಡಲಿ .... ನಿನಗೆ 

ನನ್ನ ಕನಸಿನೂರಿಗೆ ಕರೆದೊಯ್ಯುವ ಮೊದಲು ..

ಕಣ್ಣರೆಪ್ಪೆಯಂತೆ ಸದಾ ನಿನ್ನ ಚುಂಬಿಸುವ ಆಸೆ 

ಸದಾ ಬೆಚ್ಚಗೆ ನಿನ್ನ ಅಪ್ಪಿಕೊಳ್ಳುವ ಆಸೆ ..

ನವಿರಾದ ನಿನಗೆ ನೋವಾಗದಂತೆ ಕಾಪಾಡುವ ಆಸೆ 

ರಾತ್ರಿ ಕನಸುಗಳಿಗೆ ಕಾವಲುಗಾರನಾಗುವ ಆಸೆ..

ನೀ ತುಸು ನಕ್ಕು...! ನಸು ನಾಚಿ ...!

ನನ್ನೆಡೆಗೆ ನೋಡಿದಾಗ

ಕಣ್ಣ ರೆಪ್ಪೆಯಂಚಲಿನ  ಕಾಡಿಗೆಯ ತೆಗೆದು 

ದೃಷ್ಟಿ ಬೊಟ್ಟು ಹಿಡಲೆ ಆ ನಿನ್ನ ಹೂ ಗಲ್ಲಕೆ

ಸದಾ ನಿನ್ನ ಹೊಳೆಯುವ ಕಣ್ಣುಗಳನ್ನೇ ನೋಡುವ ಆಸೆ 

ಜಗವನೆಲ್ಲ ಮರೆತು ನಿನ್ನ ಸೇರುವ ಆಸೆ ..

ನಯನ ನೀನಾದರೆ , ಕಣ್ಣ ರೆಪ್ಪೆ ನಾನಾಗುವ ಆಸೆ 

ಕೊನೆವರೆಗೂ ನಿನ್ನ ಜೊತೆಯಾಗಿರುವ ಆಸೆ..

ನಿನ್ನ ಕಾಯುತ್ತ ...! ಮನವೆಲ್ಲ ರಂಗೊಲಿಯಾಗಿವೆ ..

ನಿನ್ನ ಪಾದ ಸೋಕಲು ...

ಪ್ರವೇಶ ವಾಗಿಬಿಡಲಿ ನನ್ನ ಕನಸಿನ ಲೋಕಕ್ಕೆ ...

ನೀ  ಕಾಲಿಟ್ಟ ಗಳಿಗೆಯಿಂದ ...!!

ತುಸು ದೂರ ಸುಮ್ಮನೆ ಸಾಗುವಾಗ 

ಬೇಕೆಂತಲೇ ನಾ ಕೈ ತಾಗಿಸಿದಾಗ ನೀ 

ನನ್ನಡೆ ನೋಡಿದಾಗ ವಶವಾಗದೇ ಇರಲಾರೆನೇ 

ನಾನು ಹೇಳಿಬಿಡಲೇ ಇಲ್ಲಿಯೇ ಎಲ್ಲವನು..

- ಮನು